Вазифаи ифтихории ҳар яки мо ин бо меҳнати самаранок, ғамхорӣ ба якдигар ва бо нерӯи дастаҷамъона баланд бардоштани шӯҳрати он ҳамчун маркази сиёсӣ, иқтисодӣ ва фарҳангӣ ба шумор меравад, то ки Душанбе бо иқтидори тавоно, рӯҳияи баланди созандагии доимияш ҳамеша ба мисли оғозбахши ҳамоварди ҳама аъмоли неки Ватани маҳбубамон, таъмини шукуфоии фардои он ва якдигарфаҳмӣ дар ҷомеа боқӣ бимонад.
Бо қарори ЮНЕСКО шаҳри Душанбе 4 августи соли 2004 бо Ҷоизаи «Шаҳри Сулҳ»-и ЮНЕСКО дар минтақаи Осиё ва Уқёнуси Ором дар солҳои 2002-2003 барои саҳми он дар таҳкими сулҳ ва арзишҳои башарӣ, таҳаммулпазирӣ ва ҳамрайъӣ дар ҳайёти ҳамарӯза сарфароз гардонида шуд.
Ҷоизаи мазкур ба Раиси шаҳри Душанбе Убайдуллоев М. У. аз ҷониби Роҳбари Идораи Иҷроияи ЮНЕСКО дар Алмато хонум Анҷум Ҳақ дар ҷаласаи тантанавӣ бахшида ба 80-солагии шаҳри Душанбе ҳамчун пойтахти Ҷумҳурии Тоҷикистон санаи 19 ноябри соли 2004 дар Маҷмааи давлатии «Кохи Борбад» тақдим гардид.
Дар робита ба тақвияти тадбирҳо дар системаи роҳбарӣ ва мусоидат ба баланд бардоштани сатҳу сифат ва беҳбудбахшии раванди таълиму тарбия ва хизматрасониҳои тиббӣ ба аҳолӣ дар системаи маориф ва тандурустии шаҳри Душанбе роҷеъ ба муқаррароти шаҳрдорӣ бобати дар мӯҳлати ду ҳафта нисбати мудирони шӯбаҳои маорифи ноҳияҳои шаҳр, директорони мактабҳои таҳсилоти умумӣ, инчунин сардухтурони дармонгоҳҳо ва беморхонаҳои зертобеи Раёсати тандурустии шаҳри Душанбе, ки беш аз панҷ сол ифои вазифа намудаанд андешидани чораҳои ташкилӣ, комиссияҳои салоҳиятноки марбута дар таносуби раёсатҳои зикргардида имрӯзҳо ба фаъолият шурӯъ кардааст.
Бо мақсади бунёди боғ дар ҳамшафати иншооти «Наврӯзгоҳи пойтахт» баҳри таъмини фароғату истироҳати сокинон ва меҳмонони шаҳр ва дар ҳамин замина истиқболи сазовори ҷашни байналмилалии Наврӯзи соли 2012, барои дарёфт ва интихоби беҳтарин лоиҳаи ангории сохтмони иншооти «Боғи Наврӯзгоҳ» дар асоси Низомномаи тасдиқгардида байни шахсони воқеиву ҳуқуқии ватанӣ аз 23 январ то 23 феврали соли 2012 озмуни кушод доир мегардад.
Ба таваҷҷӯҳи субъектҳои соҳибкории пойтахт расонида мешавад, ки тибқи Қарори Раиси шаҳри Душанбе №224 аз 6 апрели соли 2010 «Дар бораи гузаронидани озмуни «Соҳибкори беҳтарини шаҳри Душанбе», ҳамасола ба таври доимӣ озмуни «Соҳибкори беҳтарини шаҳри Душанбе» доир мегардад.
Озмуни мазкур аз рӯи 18 номинатсия дар ду давр – даври аввал то 1 марти соли ҷорӣ дар ноҳияҳои шаҳри Душанбе ва даври дуюм байни ғолибони даври якум то 1 апрели соли 2012 баргузор мегардад.
23 январи соли 2012 дар мақомоти иҷроияи маҳаллии ҳокимияти давлатӣ дар шаҳри Душанбе таҳти раёсати Маҳмадсаид Убайдуллоев ҷаласаи кории шаҳрдорӣ бо иштироки васеи фаъолони пойтахт ва роҳбарони сохторҳои шаҳрию раисони Комиссияҳои доимии Маҷлиси вакилони халқи шаҳри Душанбе баргузор гардид.
