Парчами Ҷумҳурии Тоҷикистон
Асосӣ / Хабарҳо
Бахшҳои сайт
Ҷустуҷӯ дар сайт
Хабарҳо
16 December 2017
Дар бораи ҷудо намудани маблағ                             

 

Бо мақсади пешгирӣ, ташхис, табобат, ҷарроҳии беморони гирифтори нуқсонҳои модарзодӣ ва тарбоди дил дар шаҳри Душанбе, мутобиқи моддаҳои 19, 20 ва 33 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва моддаи 4 Қонуни Ҷумҳурии Тоҷикистон «Дар бораи ҳифзи саломатии аҳолӣ»

 

ҚАРОР МЕКУНАМ:

 

1. Сарраёсати молияи шаҳри Душанбе аз ҳисоби фонди захиравии Раиси шаҳри Душанбе  700 000 (ҳафтсад ҳазор) сомонӣ дар соли 2017 ва дар соли 2018 аз ҳисоби маблағҳои пешбинишудаи буҷети соҳаи тандурустӣ 800 000 (ҳаштсад ҳазор) сомонӣ барои ташхис, табобат, ҷарроҳии беморони гирифтори нуқсонҳои модарзодӣ ва тарбоди дил дар шаҳри Душанбе ба Муассисаи давлатии «Маҷмааи тандурустии Истиқлол» ҷудо намояд.

2. Муассисаи давлатии «Маҷмааи тандурустии Истиқлол» пардохти маблағи ҷудошударо сари вақт таъмин намояд.

         3. Қарори мазкур барои тасдиқ ба Маҷлиси вакилони халқи шаҳри Душанбе пешниҳод карда шавад.

         4. Назорати иҷрои қарор ба зиммаи роҳбари дастгоҳи Раиси   шаҳри Душанбе Саидзода Т. Н. ва муовинони Раиси шаҳри Душанбе Назирмадзода Б. ва Муинӣ М. гузошта шавад.                                                                                                                 

                                                                                  

                                                                                Рустами Эмомалӣ