Театри Опера ва балети ба номи Садриддин Айнӣ таърихи 70-сола дошта, яке аз театрҳои аввалини Душанбе ба ҳисоб меравад.
Асосӣ / Хабарҳо
Бахшҳои сайт
Ҷустуҷӯ дар сайт
Хабарҳо
8 April 2015

Тибқи Қарори Раиси шаҳри Душанбе бо мақсади сабзкорӣ, ободу зебо ва солимгардонии табиат дар арафаи таҷлили Рӯзи пойтахт, санаи 11-уми апрели соли ҷорӣ аз соати  8:00 то 13:00 дар ҳудуди марзию маъмурии шаҳри Душанбе маъракаи ниҳолшинонию сабзкорӣ баргузор мегардад.

Дар робита ба ин чорабинӣ Раисони ноҳияҳои И. Сомонӣ, Сино, Фирдавсӣ, Шоҳмансур, роҳбарони корхонаю идораҳо, ташкилоту муассисаҳо ва соҳибкорони инфродии дар ҳудуди марзию маъмурии шаҳри Душанбе фаъолияткунанда муваззаф гардиданд, ки шинонидани ниҳолҳоро дар мавзеъҳои интихобгардида, бо риояи талаботҳои агротехникӣ ва дастури мутахассисони соҳа ба роҳ монда, нигоҳубини минбаъдаи онҳоро таъмин ва пайваста ниҳолшинонию сарсабзгардониро тақвият бахшанд.

Ҳамзамон, аз тамоми сокинони пойтахт хоҳиш карда мешавад, ки бо мақсади ободу зебо ва сарсабзу хуррам гардонидани пойтахти азизамон шаҳри Душанбе, гузоштани саҳми арзандаи худро дар ин ҳашари оммавӣ дареғ надоранд.

Тавре зикр гардид, ҷараёни баргузории чорабинӣ аз ҷониби комиссияи ҷамъиятӣ назорат карда хоҳад шуд.

 

   ҚАРОРИ РАИСИ ШАҲРИ ДУШАНБЕ №179 аЗ 01.04.2015

        Дар бораи баргузории рӯзи ниҳолшинонию

cабзкорӣ дар санаи 11 апрели соли 2015

 

Бо мақсади тақвият бахшидани корҳои ниҳолшинонию сабзкорӣ ва солимгардонии табиат дар арафаи таҷлили Рӯзи пойтахт, мутобиқи моддаҳои 19 ва 20  Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ»

               ҚАРОР МЕКУНАМ:

       1. Нақшаи чорабиниҳои замимагардидаи Мақомоти иҷроияи маҳаллии ҳокимияти давлатӣ дар шаҳри Душанбе дар бораи баргузории маъракаи ниҳолшинонию сабзкорӣ дар санаи 11 апрели соли 2015 аз соати 800 то 1300 дар ҳудуди марзию маъмурии шаҳри Душанбе ба ифтихори Рӯзи пойтахт тасдиқ ва мавриди иҷроиш қарор дода шавад.

       2. Раисони ноҳияҳои И. Сомонӣ – Қурбонов А.Ҷ., Сино – Сафаров З. А.,  Фирдавсӣ – Алиев С. А., Шоҳмансур – Бобоев С. Қ., сардори КВД таҷрибавии илмию истеҳсолии “Сабзкорӣ”-и Мақомоти иҷроияи маҳаллии ҳокимияти давлатӣ дар шаҳри Душанбе Халикова Т.М., роҳбарони корхонаю идораҳо, ташкилоту муассисаҳо ва соҳибкорони инфиродии дар ҳудуди марзию маъмурии шаҳри Душанбе фаъолияткунанда дар мавзеъҳои интихобгардида бо ширкати ҷавонону аҳли ҷамоатчигии шаҳр, бо риояи талаботҳои агротехникӣ, бо дастури мутахассисони соҳа шинонидани ниҳолҳоро ба роҳ монда, нигоҳубини минбаъдаи онҳоро таъмин ва пайваста раванди ниҳолшинонию сабзкориро тақвият бахшанд.

       3. Комиссияи муваққатии замимагардида дар ҳайати вакилони Маҷлиси вакилони халқи шаҳри Душанбе, мутахассисони соҳа ва  институтҳои шаҳрвандӣ ҷараёни омодагии ноҳияҳо ва субъектҳои хоҷагидории дар ҳудуди шаҳр фаъолияткунандаро аз 7 то 10 апрели соли 2015 мавриди санҷишу назорати қатъӣ қарор дода, аз натиҷаи омодагию татбиқи амалии Нақшаи чорабиниҳои тасдиқгардида хулосаи худро бо баҳодиҳии фаъолияти масъулин ба Раиси шаҳри Душанбе пешниҳод созад.

         4. Шуъбаи таҳлилӣ ва иттилоотии дастгоҳи Раиси шаҳри Душанбе (Ҳамроев Д.Т.) инъикоси васеи Қарори мазкурро  тавассути воситаҳои ахбори омма ба роҳ монад.

         5. Назорати  иҷрои  Қарори  мазкур ба зиммаи муовини Раиси  шаҳри Душанбе Ҳакимов Н.Ҳ. гузошта шавад.

М. УБАЙДУЛЛОЕВ

 

Замимаи № 2

ба Қарори Раиси шаҳри Душанбе

  №179 аЗ 01.04.2015

 

Ҳайати

Комиссияи муваққатии санҷиш ва назорати корҳои омодагӣ ва амалисозии Нақшаи чорабиниҳои Мақомоти иҷроияи маҳаллии ҳокимияти давлатӣ дар шаҳри Душанбе оид ба ниҳолшинонию сабзкорӣ дар ҳудуди марзию маъмурии шаҳри Душанбе дар санаи 11 апрели соли 2015

 

1.   Раҳимов С.                      профессори кафедраи ботаникаи

                                         Донишгоҳи миллии Тоҷикистон,

                                         раиси комиссия

 

2.     Солиева Б.А.                  вакили Маҷлиси вакилони халқи шаҳри

            Душанбе аз ҳавзаи интихоботии № 57,    

            ҷонишини раиси комиссия

                       

   Аъзои комиссия:

 

3.     Эмомов К. Ф.                 вакили Маҷлиси вакилони халқи шаҳри

                                            Душанбе аз ҳавзаи интихоботии № 9

4.     Валиев Ш.                      вакили Маҷлиси вакилони халқи шаҳри

           Душанбе аз ҳавзаи интихоботии № 10

5.     Умарова Л. Д.                вакили Маҷлиси вакилони халқи шаҳри

           Душанбе аз ҳавзаи интихоботии № 11

6.     Раҳматуллоева Ш.И.     вакили Маҷлиси вакилони халқи шаҳри

                                                Душанбе аз ҳавзаи интихоботии № 15

7.     Сафиалоев С. Ғ.           вакили Маҷлиси вакилони халқи шаҳри

                                           Душанбе аз ҳавзаи интихоботии № 20

8.     Холов А.                        дендеролог, номзади илмҳои биологӣ,

                                           мутахассиси Агентии захираҳои моддии  

                                           давлатии назди Ҳукумати ҷумҳурии

                                           Тоҷикистон

9.   Хайруллоев Р.              сардори Раёсати мониторинг ва сиёсати

                                           экологии Кумитаи ҳифзи муҳити зисти  

                                           назди Ҳукумати Ҷумҳурии Тоҷикистон

10.           Раҳимов Т.                 сардори Раёсати ҳифзи муҳити зисти

                                           шаҳри Душанбе

11.   Ғаниев А.                       мушовир оид ба сабзкорӣ (тариқи

                                           шартномавӣ) МД «Раёсати сохтмон, 

                                           азнавсозӣ ва таъмири асосию ҷории  

                                           роҳҳою кӯпрукҳои ҳудуди марзию  

                                           маъмурии шаҳри Душанбе»