ЭЪЛОН! БАРОИ ДАРЁФТИ СТИПЕНДИЯИ РАИСИ ШАҲРИ ДУШАНБЕ

01 Октябри 2019, Сешанбе

Мақомоти иҷроияи ҳокимияти давлатии шаҳри Душанбе бо мақсади дастгирӣ ва ҳавасманд намудани хонандагону донишҷӯёни фаъолу аълохон ва соҳибистеъдоди муассисаҳои таълимии таҳсилоти умумӣ, ибтидоӣ ва миёнаи касбии шаҳри Душанбе озмунро барои дарёфти стипендияи Раиси шаҳри Душанбе эълон менамояд.

Довталабони стипендия хонандагону донишҷӯёне, ки бо нишондиҳандаҳои зерин мутобиқат менамоянд, буда метавонанд:
    - рафтори намунавӣ дар байни ҳамсинфон ва ҳамкурсон дар як соли охир, бо дарназардошти тавсияи хаттӣ (аз ҷониби директори муассисаи таълимӣ);

    - бо баҳои хубу аъло, ки мувофиқи маълумотномаи хаттӣ оид ба ҷамъбасти баҳоҳо дар як соли охир;
    - дар корҳои ҷамъиятии муассиса ва берун аз он фаъолона ширкат намояд;

Довталабоне, ки хоҳиши ширкат дар озмуни стипендияро доранд ҳуҷҷатҳои зеринро то 1 ноябри соли 2019, соати 17-00 бо нишони шаҳри Душанбе, хиёбони Рӯдакӣ 80, Раёсати кор бо ҷавонон ва варзиши шаҳри Душанбе бояд пешниҳод намоянд.
    - аризаи довталаб (бо дастхати худаш) барои иштирок дар озмун бо нишон додани номи муассисаи таълимӣ;
    - тавсиянома аз тарафи маъмурияти муассисаи таълимӣ;
    - рӯйхати баҳои солона, ҷамъбастӣ ва аттестатсияҳои давлатӣ, ки бо имзои директор ва муҳри муассисаи таълимӣ тасдиқ карда шудааст;

    - 3 дона расми андозааш 3х4;

    - нусхаи шиноснома ва ё шаҳодатнома дар бораи таваллуд;

Озмун ба шакли санҷиш дар доираи барномаи таълимӣ тариқи тестӣ гузаронида мешавад.

Телефонҳо барои маълумот:

221-72-83,  

934-60-30-31,  

919-07- 66-66

 

Илова кунед