ЭЪЛОН: ТАНЗИМИ ХИЗМАТРАСОНӢ ДАР ХАТСАЙРҲОИ НАҚЛИЁТИ МУСОФИРБАРИ ШАҲРИ ДУШАНБЕ

    Мақомоти иҷроияи ҳокимияти давлатии шаҳри Душанбе ба таваҷҷуҳи сокинон ва меҳмонони пойтахт мерасонад, ки шуруъ аз санаи 1 июни соли 2022 фаъолияти хатсайри микроавтобусии №44 (кӯчаи П.Толис – ҷамоати Қуштеппа, маҳаллаи Лоҳутӣ (ЖБК-6)) қатъ гардида, бо зиёд намудани шумораи автобусҳо ва иваз намудани нуқтаи охири хатсайри автобусии №4 аз терминали Маром то маркази савдои «Кушониён» мунтазамнокии ҳаракати автобусҳо дар ин масир таъмин карда мешавад. 

    Дар хастайри автобусии №4 (таваққуфгоҳи маркази савдои «Кушониён» - Терминали Шарқӣ) фаъолияти автобусҳо тавассути кӯчаву хиёбонҳои Ҳ.Шерозӣ, Рӯдакӣ, У.Хайём, М.Турсунзода, Шарқ, Меҳнат, К.Раҳимов, А.Лоҳутӣ, Шотемур, Х.Деҳлавӣ, Г.Валаматзода ва С.Айнӣ роҳандозӣ мегардад. 

     Аз шаҳрвандон хоҳиш карда мешавад, ки аз хизматрасонии автобусҳои муосири тамғаи «АКIA» ва «KING LONG» истифода баранд.

        Пардохти ҳаққи роҳкиро тариқи корти нақлиётӣ ба роҳ монда мешавад.