МУЛОҚОТИ МУОВИНИ РАИСИ ШАҲР БО НАМОЯНДАГОНИ ШИРКАТИ РОҲИ ОҲАНИ МИЛЛИИ КОРЕЯИ ҶАНУБӢ

ш.Душанбе. 23.08.2023. Муовини Раиси шаҳри Душанбе Саидзода Фирдавс Ҳамро бо намояндагони воломақоми ширкати Роҳи оҳани миллии Корея ва Бонки воридот-содиротии Корея мулоқот анҷом доданд.

Дар мулоқот масъалаҳои мубрами ҳамкориҳои Мақомоти иҷроияи ҳокимияти давлатии шаҳри Душанбе бо ширкати Роҳи оҳании миллии Корея ва Бонки воридот-содироти Корея баррасӣ карда шуданд.

Ҷонибҳо бо қаноатмандӣ рафти корҳои муқаддамотии лоиҳаи сохтмони роҳи оҳани шаҳрӣ ва ба роҳ мондани системаи метрои сабук дар шаҳри Душанберо таъкид намуданд.