БАРГУЗОРИИ КОНФЕРЕНСИЯИ ИЛМӢ-НАЗАРИЯВӢ ТАҲТИ УНВОНИ "КОНСТИТУТСИЯ КАФИЛИ ҲУҚУҚУ ОЗОДИҲОИ ИНСОН ВА ОМИЛИ РУШДИ ТАРБИЯИ ВАТАНДӮСТИИ ШАҲРВАНДОН"

ш.Душанбе. 30.10.2024. Бо мақсади таъмини иҷрои қарори Раиси шаҳри Душанбе “Дар бораи таҷлили ҷашни 30-солагии қабули Конститутсияи Ҷумҳурии Тоҷикистон” имрӯз дар толори Донишгоҳи давлатии молия ва иқтисоди Тоҷикистон Конференсияи илмӣ - назариявӣ таҳти унвони “Конститутсия кафили ҳуқуқу озодҳои инсон ва омили рушди тарбияи ватандӯстии шаҳрвандон” ташкил ва баргузор карда шуд.

Дар кори конференсия муовини Раиси шаҳри Душанбе - Одилзода Дилбар Раҳим, Вакили Маҷлиси намояндагони Маҷлиси Олии Ҷумҳурии Тоҷикистон, раиси Фраксияи ҲХДТ дар Маҷлиси намояндагони Маҷлиси Олии Ҷумҳурии Тоҷикистон – Обидов Фозил Саидович, Ректори Донишгоҳи давлатии молия ва иқтисоди Тоҷикистон – Абдуалимзода Ҳакимбек Абдуалим, доктори илмҳои ҳуқуқшиносӣ, профессор, иштирокчии Иҷлосияи 16-уми Шӯрои олии Ҷумҳурии Тоҷикистон - Исмоилов Шавкат Маҳмудович иштирок ва суханронӣ намуданд.

Дар фарҷом як қаттор омӯзгорону донишҷӯёни фаъоли Донишгоҳ барои иштироки фаъолонаашон дар чорабиниҳои шаҳрию ҷумҳуриявӣ бо сипосномаю ифтихорномаҳо қадрдонӣ гардиданд.